23 saylı Nəsimi-Səbail seçki dairəsinin 26 və 28 saylı məntəqələrində bəzi reportyorlara çəkilişə imkan verilmədiyi bildirilir. Üstəlik, 26 saylı məntəqədə müstəqil müşahidəçi Həsən Əsgərov təzyiqlə üzləşdiyini deyir.
Amma həmin məntəqənin sədri Ağamayıl Baxşıyev müşahidəçinin sözlərini yalanlayıb.
Azərbaycanda 6-cı bələdiyyə seçkisi başladı: Bu ilki seçki barədə nə bilirik?
Saat 08:00-da səsverməyə start verilib. Səsvermə saat 19:00-da bitəcək.
Seçkilərə bu dəfə ölkə üzrə 23 siyasi partiya qoşulub. Müxalif Azərbaycan Xalq Cəbhəsi Partiyası (AXCP) seçkilərdə iştirak etmədiyini açıqlayıb. Onlar ölkədə azad və ədalətli seçkilər üçün şəraitin olmadığını düşünürlər. Hərçənd rəsmilər bununla razı deyillər.