Son dönəmlər, ötən il də daxil, qanunvericiliyə dəyişikliklər edərək bələdiyyələrin sayı azaldılıb.1999-cu ildə ölkədə keçirilən ilk bələdiyyə seçkiləri ilə 2 min 757 bələdiyyə formalaşmışdı.
Azərbaycanda son bələdiyyə seçkiləri 2019-cu il dekabrın 23-də keçirilib. Qanunvericiliyin tələblərinə görə, bələdiyyə seçkiləri 5 il ərzində keçirilməlidir. Həmin müddət 2024-cü ilin dekabrın 24-də başa çatıb. Bəzi müstəqil hüquqşünaslar bələdiyyə seçkilərinin bir aydan çox gecikməsini qanun pozuntusu kimi dəyərləndirsələr də, bununla bağlı hər hansı rəsmi izahat olmadı. Amma ayrı-ayrı deputatlar mövzu ilə bağlı açıqlamalarında bunu 2024-cü ilin noyabrında Bakıda COP29 tədbirlərinin keçirilməsi ilə izah ediblər.